شروط الاستخدام

باستعمالك لمنصة COD-Affiliate، كتوافق على هاد الشروط كاملة. يلا ما كنتيش موافق على شي نقطة، خاصك ما تستعملش المنصة.

التسجيل مجاني وخاص بالأشخاص اللي عندهم 18 سنة فما فوق.

خاصك تعطي معلومات صحيحة وحقيقية (الاسم، الهاتف، المعلومات البنكية). أي معلومات كاذبة يمكن تأدي لتوقيف الحساب.

نتا المسؤول على سرية كلمة السر ديالك وعلى كل العمليات اللي كتدار من الحساب ديالك.

المعلومات البنكية (اسم البنك و RIB) كتقفل تلقائيا بعد 3 أيام من التسجيل، وأي تعديل من بعد كيدوز عبر الإدارة.

المنصة كتوفر للمسوق منتجات بثمن الجملة (شامل التوصيل واللومبلاج)، والمسوق حر يحدد ثمن البيع ديالو للزبون.

المنصة كتكلف بالتغليف، الشحن، والتتبع مع شركة التوصيل. المسوق كيتكلف بالتسويق وبتأكيد الطلب (الكونفيرماسيو) مع الزبون.

المسوق كيمكن ليه يعدل الطلب فقط ملي يكون فحالة «طلب جديد». ملي تتبدل الحالة لـ«قيد المعالجة»، أي تعديل كيدوز عبر التواصل معانا.

خاص المسوق يتأكد من صحة المعلومات ديال الزبون (الاسم، الهاتف، المدينة، العنوان). المنصة ماكتتحملش المسؤولية على طلبات فيها معلومات ناقصة أو غالطة.

ممنوع إدخال طلبات وهمية أو استعمال المنصة فأي غرض غير قانوني.

الربح ديال المسوق هو الفرق بين ثمن البيع للزبون وثمن الجملة، وكيتحسب فقط على الطلبات اللي تم تسليمها بنجاح.

التحويلات كتدار مرة فالأسبوع، كل نهار جمعة، عن طريق تحويل بنكي (Virement).

التحويلات لحساب CIH Bank كتوصل كاملة. بالنسبة للأبناك الأخرى، كتم اقتطاع رسوم التحويل البنكي العادية.

الطلبات المرفوضة أو المرجعة ما كتولدش أي ربح، ولكن حتى المسوق ماكيخلص حتى شي حاجة عليها.

يلا الزبون بغى يبدل القياس أو اللون بسبب غلط من عندو، كيخلص هو ثمن التوصيل ديال التبديل.

يلا كان الغلط من عند المنصة أو كان عيب فالمنتج، المنصة كتتحمل مصاريف التبديل كاملة.

المسوق حر يستعمل الصور والمعلومات ديال المنتجات المتوفرة فالمنصة فالإشهار ديالو.

ممنوع استعمال اسم المنصة باش تدعي تمثيل رسمي أو تعطي وعود كاذبة للزبناء (ضمانات، شواهد، أو خصائص غير موجودة).

كيحق للإدارة توقيف أو حذف أي حساب فحالة الغش، الطلبات الوهمية، الإساءة للزبناء، أو خرق هاد الشروط. فهاد الحالة الأرباح ديال الطلبات المسلمة الصحيحة كتبقى مضمونة.

المنصة كتبذل قصارى جهدها باش الخدمة تكون مستمرة وصحيحة، ولكن ماكتضمنش أرباح معينة، حيت النتائج كترتبط بالمجهود التسويقي ديال كل مسوق.

كيمكن للمنصة تعدل هاد الشروط فأي وقت، والاستمرار فاستعمال المنصة كيعني الموافقة على النسخة الجديدة.